18 C
BAKI
18 Oktyabr 2021
Guninfo.az
Image default
DÜNYA

Baydenin İrəvana göndərdiyi məktub Paşinyanı belə cəsarətləndirdi – “Məhz həmin məktubdan sonra…”

“ABŞ Ermənistanla Azərbaycan arasındakı sülh imkanlarına mənfi təsir edir”.
Bunu Sfera.az-a açıqlamasında politoloq Məhəmməd Əsədullazadə ABŞ prezidenti Co Baydenin Ermənistanın müstəqilliyi ilə bağlı göndərdiyi təbrik məktubundan danışarkən deyib.
O bildirib ki, məktubu konkret olaraq Ermənistan-Azərbaycan arasında böhranın davam etməsinə, revanşist qüvvələrin maraqlarına xidmət edən bir açıqlama kimi xarakterizə etmək olar:
“Görünür, Vaşinqton Rusiya sülhməramlı qüvvələrinin Qarabağda mövqe tutmasına görə Bakıya qəzəblidir. ABŞ prezidentinin əsirlər, həmçinin  “status” məsələsi və Minsk qrupunun fəaliyyəti ilə bağlı mesajı Cənubi Qafqazda uzun müddətli sülh imkanlarını hədəf alır. Bununla da rəsmi İrəvanın ritorikasının dəyişməsinə gətirib çıxarır. Məhz ötən gün Baş nazir Nikol Paşinyanın iki erməni dövlətindən bəhs etməsi və Qarabağ məsələsini qabartması bunun nəticəsidir”.

 

Politoloqun sözlərinə görə, ABŞ-ın Ermənistandakı səfiri demək olar ki, hər gün “Dağlıq Qarabağ problemini” gündəmə gətirir:
“Həmçinin “status” məsələsinin vacibliyini qeyd edir.  Səfirə təlimat birbaşa ABŞ-dan verilir, yoxsa səfir belə bir açıqlama ilə çıxış edə bilməzdi.  ABŞ-ın bu mövqeyi rəsmi İrəvanın mövqelərinə təsir edəcək və Baş nazir Nikol Paşinyanın Azərbaycanla hər hansı bir danışıqlarda Vaşinqtonun gündəmə gətirdiyi təkliflərlə çıxış etməsi mümkündür. Təbii ki, bu halda Azərbaycan danışıqlar aparmayacaq və proses Ermənistanın ziyanına olacaq.

ABŞ-ın, Fransanın bütün cəhdlərinə baxmayaraq, Azərbaycan Minsk qrupu formatına qayıtmayacaq. Təbii ki, ABŞ-ın bu siyasəti Ermənistanda mövqelərini möhkəmləndirməyə və regionda təsirinin güclənməsinə hesablanır. Vaşinqton və Bakı arasında soyuq rüzgarlar əsir.  Rəsmi Bakı Vaşinqtonla təmasları artırmalı, Ağ Ev və Dövlət Departamentinin siyasətində Azərbaycanla bağlı müsbət siyasətin formalaşmasına çalışmalıdır. Vaşinqtonla söz və diplomatik dartışma məqbul deyil. Rəsmi Bakı Vaşinqtonla təmasları artırmalıdır”.

Bənzər yazılar

Şimali Koreya lideri dünyanı təhdid etdi – SİYAHI AÇIQLANDI…

admin

Əfqanıstanın belə günləridə var idi: BİR VAXTLAR KABİL – FOTOLAR

admin

“İran bu ərazilərə hücuma hazırlaşır” – ABŞ kəşfiyyatı SENSASİON MƏLUMATI VERDİ

admin

SON DƏQİQƏ: Rusiya İdlibə hücum etdi – Türkiyə tərəfindən tikilmiş yaşayış binaları bombalanır

Fikrət Fərhadoğlu

Baydendən KRİTİK QƏRAR: İran ordusunun mövqeləri bombalandı – çox sayda ölü var

admin

ŞOK SƏRVƏT:Putinin milyardlıq sarayı üzə çıxdı – (FOTO)

admin