18 C
BAKI
18 Oktyabr 2021
Guninfo.az
Image default
MANŞET

ŞOK GƏLİŞMƏ!Nazir Muxtar Babayevin kortejinə PREZİDENT TRASI – Bakı-Sumqayıt yolu belə BAĞLANIR(VİDEO +FOTO)

Sürücülər bu gün səhər saatlarında Əliağa Vahid küçəsinin Bakı-Sumqayıt yoluna birləşən hissəsində (Masazır dairəsində) yaranan tıxaca səs siqnalından istifadə edərək etiraz ediblər.

Bu barədə redaksiyamıza məlumat verən sürücülər, iddia edirlər ki, sözügedən yolda nəqliyyat vasitələrinin hərəkəti Dövlət Yol Polisi əməkdaşları tərəfindən hər gün səhər saatlarında məhdudlaşdırılır. Onlar iddia edirlər ki, buna səbəb Ekologiya və Təbii Sərvətlər naziri Muxtar Babayevin günün o saatlarında Bakı-Sumqayıt yolundan istifadə etməsidir ki, PREZİDENT TRASI ELAN EDİLİR.

Sürücülərin redaksiyamıza təqdim etdiyi kadrlarda nəqliyyat vasitələrinin dayandırıldığı və yolun digər hissəsinin açıq olduğu müşahidə olunur. Onlar həmçinin, yaranan tıxaca səs siqnallarından istifadə edərək etiraz etmələrinin əks olunduğu kadrları da redaksiyamıza təqdim ediblər:

Məsələ ilə bağlı Daxili İşlər Nazirliyinin (DİN) mətbuat xidmətinin rəisi Ehsan Zahidov bildirib ki, avtonəqliyyat vasitələrinin hərəkətinin hansısa vəzifəli şəxsə görə məhdudlaşdırılması ilə bağlı iddialar həqiqəti əks etdirmir: “Tamam yalan və uydurmadır. Tıxaclar tək o yolda deyil. Səhər mən tamam başqa yolla işə gəlirəm, o yolda da tıxac olur. Hansı ki, o yoldan heç bir məmur istifadə etmir. Tıxacların yaranmasına səbəb ilk növbədə sürücülərin özləri və yolun infrastrukturundakı nöqsanlardır. Sürücülər o tıxacın səbəbini birinci növbədə özlərində axtarmalıdırlar. Səhər pik saatlarda şəhərin bütün yollarında bu cür tıxaclar olur”.

Baş Dövlət Yol Polisi İdarəsinin İctimai Qurumlarla Əlaqə şöbəsinin rəisi Namidan Piriyev isə  sözügedən yolda tıxacın yaranma səbəbini Masazır dairəsinə bir neçə istiqamətdən avtomobillərin daxil olmasını göstərib. O da sözügedən yolda hər hansı vəzifəli şəxsə görə nəqliyyat vasitələrinin hərəkətinin məhdudlaşdırılması ilə bağlı iddiaların həqiqəti əks etdirmədiyini bildirib.

Qeyd edək ki, sürücülərdən aldığımız məlumata görə, səhər saatlarında Əliağa Vahid küçəsinin Bakı-Sumqayıt yoluna birləşən hissəsində (Masazır dairəsində) yaranan tıxaca səbəb Ekologiya və Təbii Sərvətlər naziri Muxtar Babayevin bu yoldan istifadə etməsidir.

.

Onu da bildirək ki, Ekologiya və Təbii Sərvətlər naziri Muxtar Babayev 2010–2018-ci illərdə SOCAR-ın Sumqayıtda yerləşən “Azərikimya” İstehsalat Birliyinin Müşahidə Şurasının sədri vəzifəsində çalışıb. Ekologiya və Təbii Sərvətlər naziri Muxtar Babayev Sumqayıt şəhərində yaşayır.

Xatırladaq ki, bu ilin fevral ayında da sürücülər həmin ərazidə yaranan tıxaca görə redaksiyamıza müraciət etmiş və yüksək vəzifəli məmurun Bakı-Sumqayıt yolundan istifadəsinə görə nəqliyyat vasitələrinin hərəkətinin məhdudlaşdırıldığını iddia etmişdilər.

 

Bənzər yazılar

Yardımlı icra başçısı və müavinləri yerli sakinləri rayondan didərgin salır – PREZİDENTƏ MÜRACİƏT(VİDEO)

admin

Azərbaycana 4 min raket atılacaq, Bakı belə məhv ediləcək – İranın Baş Qərargah rəisindən AÇIQLAMA

Fikrət Fərhadoğlu

Sevil Zülfüqarovadan sərt açıqlama: “AMEA-da bu dəhşətli cinayətləri aşkarladım, Mehdiyev məni işdən qovdu”

admin

SON dəqiqə!Prezidentə sui-qəsd xəbəri yayıldı – AÇIQLAMA(FOTO)

Fikrət Fərhadoğlu

Ərdoğan TƏBİB sədri Ramin Bayramlını məhkəməyə verdi: İş icraata götürüldü – ÖLKƏDƏ NƏ BAŞ VERİR?

admin

ermənilər hücuma keçdi: alayın tabor komandiri, ağır texnikalar və xeyli sayda canlı qüvvəsi məhv edildi

admin