10 C
BAKI
14 Aprel 2021
Guninfo.az
Image default
SEÇMƏ

“Metro açılmayacaq, toylara da icazə verilməyəcək” – AÇIQLAMA

“Bir neçə dəfə gündəmə gətirdim: Əhali zülüm çəkir. Metronu açın, toylara icazə verin, idman zallarını açın! Əminəm ki, pandemiya rejiminin tələblərini insanlar pozmayacaqlar. Belə anlaşıldı ki, metro  açılmayacaq. Toylara da icazə verilməyəcək. İdman zalları da açılmayacaq”.

KONKRET.azın xəbərinə görə, bunu Milli Məclisin deputatı Fazil Mustafa deyib.

F.Mustafa bildirib ki, əslində bunlar çox sadə məsələdir: “Ancaq mürəkkəbləşdirmənin səbəbi var. Bilirsiniz niyə? Operativ Qərargah deyilən mifik bir yerdə vətəndaşların durumunu, ölkədə gerçək vəziyyəti, insanların psixoloji sarsıntısını anlayacaq dünyagörüşünə, təcrübəyə sahib mütəxəssis sıxıntısı var. Demək heyvandarlıqla məşğul olan bir sahibkar təsərrüfatında xəstəliyin profilaktikası üçün xaricdən mütəxəssis dəvət edib ki, gəlib mümkün təhlükənin qarşısını alsın. Xarici vətəndaşın gəliş-gedişinə Operativ Qərargah icazə verməlidir. Rəsmi qaydada müraciət edib icazə üçün Operativ Qərargaha. Bu Qərargahın da təsərrüfat nədir, sahibkar nədir bilməyən, isti otaqda oturub vaxında maaşını alan bir sektor müdiri müraciətə cavab verib ki, pandemiya şəraiti olduğuna görə həmin mütəxəssisin gəlməsinə icazə verilmir. Yəni hörmətli Hacıbala müəllimin işlətdiyi məşhur ifadə vardı ha, təqribən onun kimi bir məntiqə dayanan cavab. Bakının keçmiş meri necə deyirdi: “Sizi əmin edirəm ki, Bakı Azərbaycanın  paytaxtıdır!” Cavabın unikallığına baxın, pandemiya şəraiti olmasaydı, sahibkarın nəyinə lazım idi sizə müraciət etsin? Ölkədə prezident sahibkarların çətin vəziyyətdə olduğunu nəzərə alıb dövlət büdcəsindən onlara yardım edilməsi üçün göstəriş verir, sahibkarlıq subyektlərinin yoxlanılmasının bir il də irəliyə qadağan olunması barədə qanun layihəsini parlamentə göndərir, buradakı məmur isə iş adamına necə ziyan vurum, vətəndaşın işini necə çətinləşdirim deyə ürəyi istədiyi addımı atır. Kimə anladasan, nəyi izah edəsən?”

Bənzər yazılar

Erməni təxribatı – 41 mülki şəxs qətlə yetirilib, 205 nəfər yaralanıb – Baş Prokurorluq

admin

Füzuli və Cəbrayılın alınması uğurunda ağır döyüşlər gedir – Düşmənin bütün hədəfləri darmadağın edilir

admin

Mediada çalışanların NƏZƏRİNƏ:Jurnalistlərə vurulacaq vaksinin adı açıqlandı

admin

Əli Həsənov – Abel Məhərrəmov MƏCHULU – Dezinformasiyalar, ölkədə yaradılan gərginlik və narahatlıq

admin

Kəmaləddin Heydərovun Camalqızı müəmması VƏ YA “fövqəlnazirin” TAXT- TAC oyunu -II yazı

admin

Sərtləşdirilmiş karantin dövründə xidməti vəsiqə ilə hərəkət edəcək şəxslər – SİYAHI

admin